ಚೂಡಿದಾರ್ ಧರಿಸಿ ದೇವಾಲಯ ಕಳ್ಳತನ: ಆರೋಪಿ ಬಂಧನ

ಕುಶಾಲನಗರ, ಜು 19:
ಕೂಡಿಗೆಯಲ್ಲಿರುವ ಶ್ರೀ ಉದ್ಭವ ಸುಬ್ರಹ್ಮಣ್ಯ ಸ್ವಾಮಿ ದೇವಾಲಯದ ಆವರಣದಲ್ಲಿರುವ ಕಾಣಿಕೆ ಡಬ್ಬವನ್ನು ಮಹಿಳೆಯರು ಬಟ್ಟೆಯನ್ನು ಧರಿಸಿ ಆರೆಯಿಂದ ಮೀಟಿ ಹಣ ಕಳ್ಳತನ ಮಾಡಿದ ಮಹಮ್ಮದ್ ಗೌಸ್ ಎಂಬಾತನನ್ನು ಕುಶಾಲನಗರ ಗ್ರಾಮಾಂತರ ಪೋಲೀಸರು ವಶಕ್ಕೆ ಪಡೆದು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿದ್ದಾರೆ.
ಕೂಡಿಗೆಯ ಶ್ರೀ ಉದ್ಭವ ಸುಬ್ರಹ್ಮಣ್ಯ ದೇವಾಲಯದಲ್ಲಿ ಕಳೆದ ಮೂರು ದಿನಗಳ ಹಿಂದೆ ಕಳ್ಳತನ ನಡೆದಿತ್ತು. ಕೂಡುಮಂಗಳೂರು ನಿವಾಸಿ‌ ಕೂಲಿ‌ ಕಾರ್ಮಿಕ ಮಹಮ್ಮದ್ ಗೌಸ್ ಎಂಬಾತ ಚುಡಿದಾರ್ ಧರಿಸಿ ಹುಂಡಿ ಹೊಡೆದು‌ ಕಳ್ಳತನ‌ ಮಾಡಿದ್ದ. ಈ ಕೃತ್ಯ ದೇವಾಲಯದಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮೆರದಲ್ಲಿ ಸೆರೆಯಾಗಿತ್ತು. ಇದರ ಸುಳಿವಿನ‌ ಮೇರೆಗೆ ಅರೋಪಿಯನ್ನು ಕುಶಾಲನಗರ ಗ್ರಾಮಾಂತರ ಪೋಲಿಸ್ ಠಾಣಾಧಿಕಾರಿ ಚಂದ್ರಶೇಖರ್ ಮತ್ತು ತಂಡ ಬಂಧಿಸಿದೆ.
ಆರೋಪಿ ಮಹಮ್ಮದ್ ಗೌಸ್ ನ ಮೇಲೆ ಕುಶಾಲನಗರ ಪಟ್ಟಣ ಮತ್ತು ಗ್ರಾಮಾಂತರ ಠಾಣೆಯಲ್ಲಿ 4 ಪ್ರಕರಣ ಈ‌ ಮೊದಲು ದಾಖಲಾಗಿದೆ.
‌