ಕೂಡಿಗೆಯಲ್ಲಿ ಪದವಿಪೂರ್ವ ಕಾಲೇಜು ಮಟ್ಟದ ಹಾಕಿ ಪಂದ್ಯಾವಳಿ: ಅನುಗ್ರಹ ಕಾಲೇಜು ಪ್ರಥಮ

ಕುಶಾಲನಗರ, ಆ. 22: ಸೋಮವಾರಪೇಟೆ ತಾಲ್ಲೂಕು ಮಟ್ಟದ ಪದವಿಪೂರ್ವ ಕಾಲೇಜುಗಳ ಹಾಕಿ ಪಂದ್ಯಾವಳಿಯು ಕೂಡಿಗೆ ಹಾಕಿ ಟರ್ಫ್ ಮೈದಾನದಲ್ಲಿ ನಡೆಯಿತು.
ಜಿಲ್ಲಾ ಪದವಿಪೂರ್ವ ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕಿ ಕೆ. ಮಂಜಳಾ ಉದ್ಘಾಟಿಸಿದರು.
ಹಾಕಿ ಪಂದ್ಯಾವಳಿಯಲ್ಲಿ ಸೋಮವಾರಪೇಟೆಯ ಬಿ.ಟಿ.ಸಿ.ಕಾಲೇಜು, ಅನುಗ್ರಹ ಕಾಲೇಜು, ಕೂಡಿಗೆ ಪದವಿಪೂರ್ವ ಕಾಲೇಜು ತಂಡಗಳು ಭಾಗವಹಿಸಿದ್ದವು.ಅವುಗಳಲ್ಲಿ ಕುಶಾಲನಗರದ ಅನುಗ್ರಹ ಕಾಲೇಜು ತಂಡ ಪ್ರಥಮ, ಕೂಡಿಗೆ ಕಾಲೇಜು ತಂಡ ದ್ವಿತೀಯ ಸ್ಥಾನವನ್ನು ಪಡೆದುಕೊಂಡವು.
ಈ ಸಂದರ್ಭದಲ್ಲಿ ಕೂಡಿಗೆ ಕಾಲೇಜು ಪ್ರಾಂಶುಪಾಲ ಬಸಪ್ಪ, ಉಪನ್ಯಾಸಕರಾದ ನಾಗಪ್ಪ, ಸತೀಶ್ ಕಾವೇರಮ್ಮ ರಮೇಶ್, ಹನುಮರಾಜ್, ರವೀಶ್ ಕ್ರೀಡಾಶಾಲೆಯ ಹಾಕಿ ತರಬೇತುದಾರರಾದ ವೆಂಕಟೇಶ್, ಸೇರಿದಂತೆ ಸಿಬ್ಬಂದಿ ವರ್ಗದವರು ಹಾಜರಿದ್ದರು.