ಕುಶಾಲನಗರ, ಮೇ 25: ವಿತರಣೆಗೆ ಇರಿಸಲಾಗಿದ್ದ ನ್ಯೂಸ್ ಪೇಪರ್ ಬಂಡಲ್ ಕದ್ದೊಯ್ದ ಘಟನೆ ಕುಶಾಲನಗರದಲ್ಲಿ ನಡೆದಿದೆ. ಪ್ರತಿಷ್ಠಿತ ರಾಜ್ಯಮಟ್ಟದ ದಿನಪತ್ರಿಕೆ ಬಂಡಲ್ ಎನ್ನು ಎಂದಿನಂತೆ ಕುಶಾಲನಗರದ ಪೂರ್ವಿಕ ಮೊಬೈಲ್ ಶೋಂ ರೂಂ ಆವರಣದಲ್ಲಿ ಇರಿಸಲಾಗಿತ್ತು. ಬೆಳಗಿನ ಜಾವ ಪೇಪರ್ ವಿತರಣೆ ವಾಹನ ಆಗಮಿಸಿ ಬಂಡಲ್ ಇರಿಸಿ ತೆರಳಿ ಮರುಕ್ಷಣ ಕಾದು ನಿಂತಿದ್ದ ಖದೀಮ ಬಂಡಲ್ ಗಳನ್ನು ಕದ್ದೊಯ್ದಿದ್ದಾನೆ. ತನ್ನ ಚಹರೆ ಮರೆಮಾಚಿ ಬಂದಿರುವ ಈತ ಸ್ಕೆಚ್ ಹಾಕಿ ಪೇಪರ್ ಬಂಡಲ್ ಎಗರಿಸಿರುವುದು ಖಾತ್ರಿಯಾಗಿದೆ.
