ಸುಂದರನಗರ: ಮನೆಮನೆಗೆ ಉಚಿತವಾಗಿ ರಾಷ್ಟ್ರಧ್ವಜ ವಿತರಿಸಿ ಗಮನ ಸೆಳೆದ ಯುವಕ

ಕುಶಾಲನಗರ, ಆ 12: ಮನೆಮನೆಗೆ ಉಚಿತವಾಗಿ ರಾಷ್ಟ್ರಧ್ವಜ ವಿತರಿಸುವ ಮೂಲಕ ಸುಂದರನಗರದ ಯುವಕನೋರ್ವ ರಾಷ್ಟ್ರಪ್ರೇಮ ಮೆರೆದಿದ್ದಾರೆ.
ಕುಶಾಲನಗರ ತಾಲೂಕಿನ‌ ಸುಂದರನಗರ ಗ್ರಾಮದ ಮಂಜು ಪೆರುಮಾಳ್ ಎಂಬವರು 75ನೇ ಸ್ವಾತಂತ್ರೋತ್ಸವದ ಅಂಗವಾಗಿ ಕರೆ ನೀಡಿರುವ ಮನೆಮನೆಯಲ್ಲಿ ರಾಷ್ಟ್ರಧ್ವಜ ಅಳವಡಿಕೆ ಯೋಜನೆಗೆ ಸಹಕಾರವಾಗಿ ತನ್ನ ಗ್ರಾಮದಲ್ಲಿ ಸುಮಾರು 80 ಕ್ಕೂ ಅಧಿಕ ರಾಷ್ಟ್ರಧ್ವಜಗಳನ್ನು‌ ಮನೆಮನೆಗೆ, ಅಂಗಡಿ‌ ಮಳಿಗೆಗಳಿಗೆ ತೆರಳಿ ವಿತರಣೆ ಮಾಡಿ ಗಮನ ಸೆಳೆದರು.