ಜನತಾ ಕಾಲೋನಿಯ ಪುನಿತ್ ರಾಜ್ ಕುಮಾರ್ ಅಭಿಮಾನಿ ಬಳಗದಿಂದ ಪುನಿತ್‌ ರಾಜ್‌ಕುಮಾರ್‌ 3ನೇ ಪುಣ್ಯಸ್ಮರಣೆ

ಕುಶಾಲನಗರ, ಅ 29: ಕುಶಾಲನಗರದ ಜನತಾ ಕಾಲೋನಿಯ ಪುನಿತ್ ರಾಜ್ ಕುಮಾರ್ ಅಭಿಮಾನಿ ಬಳಗದ ವತಿಯಿಂದ
ಕನ್ನಡ‌ ಚಿತ್ರರಂಗದ ಪವರ್‌ ಸ್ಟಾರ್‌ ಖ್ಯಾತಿಯ ಪುನಿತ್‌ ರಾಜ್‌ಕುಮಾರ್‌ ಅವರ 3ನೇ ವರ್ಷದ ಪುಣ್ಯಸ್ಮರಣೆ ಕಾರ್ಯಕ್ರಮ ಹಾಗೂ ಅನ್ನಸಂತರ್ಪಣೆ ನಡೆಯಿತು.

ಪುಣ್ಮಸ್ಮರಣೆ ಕಾರ್ಯಕ್ರಮ ಅಂಗವಾಗಿ ಅಭಿಮಾನಿ ಬಳಗದ ವತಿಯಿಂದ ಗ್ರಾಮದ ವೃತ್ತದಲ್ಲಿ
ಪುನಿತ್ ರಾಜ್ ಕುಮಾರ್ ಬೃಹತ್ ಭಾವಚಿತ್ರವನ್ನು ಅಳವಡಿಸಿ ಪೂಜಿಸಿ ನಮನ‌ ಸಲ್ಲಿಸಲಾಯಿತು.

ಮಡಿಕೇರಿ ಕ್ಷೇತ್ರ ಶಾಸಕ ಡಾ.ಮಂತರ್ ಗೌಡ ಕೂಡ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಪುನಿತ್ ರಾಜ್ ಕುಮಾರ್ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿ ನಮಿಸಿದರು.

ಪುಣ್ಯಸ್ಮರಣೆ ಅಂಗವಾಗಿ ಸಾವಿರಾರು ಮಂದಿಗೆ ಅನ್ನಸಂಪರ್ತಪಣೆ ನೆರವೇರಿಸಲಾಯಿತು.

ಈ ಸಂದರ್ಭ ಮಾತನಾಡಿದ ಪುನಿತ್ ಅಭಿಮಾನಿ ಬಳಗದ ಪ್ರಮುಖ ಸಚಿನ್, ಪುನಿತ್ ರಾಜ್ ಕುಮಾರ್ ಅವರ ಪ್ರೀತಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಅವರ ಸಮಾಜಮುಖಿ ಕಾರ್ಯಗಳು ಚಿರಸ್ಮರಣೀಯ. ಅವರಂತೆ ಎಲ್ಲರೂ ಕೂಡ ಸಹಾಯ ಗುಣಗಳನ್ನು ಬೆಳೆಸಿಕೊಂಡು ಇತರರಿಗೂ ಸ್ಫೂರ್ತಿಯಾಗಬೇಕಿದೆ.
ಅಪ್ಪು ಸದಾ ಜನಮಾನಸದಲ್ಲಿರುತ್ತಾರೆ.
ಪ್ರತಿನಿತ್ಯವೂ ಅವರ ನೆನಪಿನಲ್ಲೇ ಇದ್ದೇವೆ. ದುಃಖ ಇನ್ನೂ ಇದೆ. ಅಭಿಮಾನಿಗಳ ಪ್ರೀತಿ ಕಮ್ಮಿ ಆಗುತ್ತಲೇ ಇಲ್ಲ. ಅವರ ಪ್ರೀತಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಪುನಿತಗ ರಾಜ್ ಕುಮಾರ್ ಅವರು ಎಲ್ಲರಿಗೂ ಮಾದರಿ, ಅವರ ಆದರ್ಶಗಳನ್ನು ಎಲ್ಲರೂ ಮೈಗೂಡಿಸಿಕೊಳ್ಳಬೇಕು ಎಂದರು.
ಈ ಸಂದರ್ಭ ಪುನಿತ್ ರಾಜ್ ಕುಮಾರ್ ಅಭಿಮಾನಿ ಬಳಗದ ಪ್ರಮುಖರಾದ ಶಿವರಾಜ್ ನಾಯಕ್, ಸಂತೋಷ್, ಇಮ್ರಾನ್, ಸಚಿನ್, ಲೋಕೇಶ್, ದರ್ಶನ್, ಗಿರೀಶ್, ವೇಣು, ಮಹೇಶ್, ರಮೇಶ್, ಶಿವಮಾದು, ಜೀವನ್ ಮತ್ತಿತರರು ಹಾಜರಿದ್ದರು.