ಹಾರಂಗಿ ಬಳಿ ಮನೆಯ ಆವರಣಕ್ಕೆ ನುಗ್ಗಿದ‌ ಕಾರು: ಗೇಟ್‌ ಜಖಂ

ಕುಶಾಲನಗರ, ಜೂ 10: ಹಾರಂಗಿ ವ್ಯಾಪ್ತಿಯ ಹುಲುಗುಂದ ಗ್ರಾಮದ ರಾಮಕೃಷ್ಣ ಎಂಬವರ ಮನೆಯ ಆವರಣಕ್ಕೆ ಭಾನುವಾರ ರಾತ್ರಿ ಕಾರೊಂದು ನಿಯಂತ್ರಣ ತಪ್ಪಿ ನುಗ್ಗಿದ ಪರಿಣಾಮ ಗೇಟ್ ಜಖಂಗೊಂಡಿದೆ.

ಕೂಡುಮಂಗಳೂರು ಗ್ರಾಮದ ಅಪ್ಪಾಜಿ ಎಂಬವರಿಗೆ ಸೇರಿದ ಕಾರು ಗುಡ್ಡೆಹೊಸೂರು ಕಡೆಯಿಂದ ಹಾರಂಗಿಯತ್ತ ತೆರಳುವ ಸಂದರ್ಭ ತಿರುವಿನಲ್ಲಿ ನಿಯಂತ್ರಣ ತಪ್ಪಿ ಕಾರು ಮನೆಯತ್ತ ನುಗ್ಗಿದೆ. ಘಟನೆಯಲ್ಲಿ ಕಾರಿನಲ್ಲಿದ್ದ ಯುವಕರಿಗೆ ಸಣ್ಣಪುಟ್ಟ ಗಾಯಗಳುಂಟಾಗಿದೆ. ಇದೇ ಸ್ಥಳದಲ್ಲಿ ಆಗಾಗ್ಯೆ ಅಪಘಾತಗಳು ಸಂಭವಿಸುತ್ತಿದ್ದು ನಿಯಂತ್ರಣ ಕ್ರಮಕ್ಕೆ ಸಂಬಂಧಿಸಿದವರು ಕ್ರಮವಹಿಸುವಂತೆ ಗ್ರಾಮಸ್ಥರು ಅಗ್ರಹಿಸಿದ್ದಾರೆ.