ಗುಮ್ಮನಕೊಲ್ಲಿ ಪ್ರೀಮಿಯರ್ ಲೀಗ್ ಸೀಸನ್ಸ್-7: ಆರ್.ಸಿ.ಜಿ.ತಂಡ ಪ್ರಥಮ

ಕುಶಾಲನಗರ, ಜ‌12:
ಗುಮ್ಮನಕೊಲ್ಲಿಯ ಶ್ರೀ ಬಸವೇಶ್ವರ ಯುವಕ ಸಂಘದ ವತಿಯಿಂದ ಹಮ್ಮಿಕೊಂಡಿದ್ದ ಗುಮ್ಮನಕೊಲ್ಲಿ ಪ್ರೀಮಿಯರ್ ಲೀಗ್ ಸೀಸನ್ಸ್-7, ಟೆನ್ನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಆರ್.ಸಿ. ಜಿ ತಂಡ ಪ್ರಥಮ ಸ್ಧಾನ ಪಡೆದು ನಗದು ಹಾಗೂ ಟ್ರೋಫಿ ತನ್ನದಾಗಿಸಿಕೊಂಡಿತು.
ಜೈ ಫ್ರೆಂಡ್ಸ್ ತಂಡ ದ್ವಿತೀಯ, ಎಸ್. ಆರ್. ಫ್ರೆಂಡ್ಸ್ ತಂಡ ತೃತೀಯ ಹಾಗೂ ಟೀಮ್ ಪ್ರಣೀತ್ ತಂಡ ನಾಲ್ಕನೇ ಬಹುಮಾನ ಪಡೆದುಕೊಂಡಿತು.
ಮಡಿಕೇರಿ ಕ್ಷೇತ್ರ ಶಾಸಕ ಡಾ. ಮಂಥರ್ ಗೌಡ ಬಹುಮಾನ ವಿತರಣೆ‌ ಮಾಡಿದರು. ನಂತರ ಮಾತನಾಡಿದ ಅವರು, ಗ್ರಾಮಾಂತರ ಪ್ರದೇಶಗಳಲ್ಲಿ ಇಂತಹ ಕ್ರೀಡಾಕೂಟಗಳು ನಡೆಯುವುದರಿಂದ ಗ್ರಾಮದ ಯುವಕರಲ್ಲಿ ಸಂಘಟನಾ ಮನೋಭಾವ ವೃದ್ದಿಸಲಿದೆ. ಅಲ್ಲದೆ ಯುವಕರು ಒಗ್ಗೂಡುವ ಮೂಲಕ ಸಮಾಜಮುಖಿ ಕಾರ್ಯಗಳನ್ನು ಕೈಗೊಳ್ಳಲು ಸಹಕಾರಿಯಾಗಲಿದೆ ಎಂದರು.

ಈ ಸಂದರ್ಭ ಉದ್ಯಮಿ ಮಂಜೇಶ್, ಕಂಟ್ರಾಕ್ಟರ್ ರವಿಕುಮಾರ್, ಜಯರಾಜ್, ಇಂಜಿನಿಯರ್ ಕೆ. ಪೀಟರ್, ಕುಶಾಲನಗರ ಪುರಸಭೆ ಸದಸ್ಯ ಪ್ರಮೋದ್ ಮುತ್ತಪ್ಪ, ಖಲೀಮುಲ್ಲಾ, ಶ್ರೀ ಬಸವೇಶ್ವರ ಯುವಕ ಸಂಘದ ಅಧ್ಯಕ್ಷ ಮಣಿ ಕುಮಾರ್, ಕಾರ್ಯದರ್ಶಿ ವಸಂತ, ಖಜಾಂಚಿ ಅಬ್ದುಲ್ ಖಾದರ್, ಅವಿನಾಶ್ ಸೇರಿದಂತೆ ಸಮಿತಿಯ ಸದಸ್ಯರು, ದಾನಿಗಳು ಹಾಜರಿದ್ದರು.