ಹೆಬ್ಬಾಲೆ ಗ್ರಾಪಂ ಚುನಾವಣೆ:ಅಧ್ಯಕ್ಷರಾಗಿ ಅರುಣಕುಮಾರಿ, ಉಪಾಧ್ಯಕ್ಷರಾಗಿ ಲತಾ ಗೆಲುವು

ಕುಶಾಲನಗರ, ಆ 01: ಹೆಬ್ಬಾಲೆ ಗ್ರಾಮಪಂಚಾಯತಿಯ ಆಡಳಿತ ಮಂಡಳಿಯ ಎರಡನೇ ಅವಧಿಗೆ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷರಾಗಿ ಅರುಣಕುಮಾರಿ, ಉಪಾಧ್ಯಕ್ಷರಾಗಿ ಲತಾ ಗೆಲುವು ಸಾಧಿಸಿದ್ದಾರೆ.
‌
ಬಿಸಿಎಂ ಎ ಮಹಿಳಾ ವಿಭಾಗಕ್ಕೆ ಮೀಸಲಾಗಿದ್ದ ಅಧ್ಯಕ್ಷ ಸ್ಥಾನಕ್ಕೆ ಅರುಣಕುಮಾರಿ ಮತ್ತು ರತ್ನಮ್ಮ ಸ್ಪರ್ಧಿಸಿದ್ದರು.

14 ಮಂದಿ ಆಡಳಿತ ಮಂಡಳಿ ಸದಸ್ಯರ ಪೈಕಿ ಅರುಣಕುಮಾರಿ ಅವರಿಗೆ 7 ಮತಗಳು, ರತ್ನಮ್ಮ ಅವರಿಗೆ 5 ಮತಗಳು‌ ಲಭಿಸಿದವು.

ಪರಿಶಿಷ್ಟ ಜಾತಿ ವಿಭಾಗಕ್ಕೆ ಮೀಸಲಾಗಿದ್ದ ಉಪಾಧ್ಯಕ್ಷ ಸ್ಥಾನಕ್ಕೆ ನಾರಾಯಣ ಮತ್ತು ಲತಾ ಸ್ಪರ್ಧಿಸಿದ್ದರು. ಈ ಪೈಕಿ ಲತಾ ಅವರಿಗೆ 7 ಮತ, ನಾರಾಯಣ ಅವರಿಗೆ 5 ಮತಗಳು‌ ಲಭಿಸಿವೆ.

14 ಮಂದಿ‌ ಸದಸ್ಯರ ಆಡಳಿತ ಮಂಡಳಿಯಲ್ಲಿ ಓರ್ವ ಮಹಿಳಾ ಸದಸ್ಯರು ಚುನಾವಣೆಗೆ ಗೈರುಹಾಜರಾಗಿದರು.

ಮತದಾನದಲ್ಲಿ ಸದಸ್ಯರಾದ ಮಂಜುನಾಥ್, ಅರುಣಕುಮಾರಿ, ಶಿವನಂಜಪ್ಪ, ನಾರಾಯಣ, ಚಂದ್ರಶೇಖರ್ ಜೋಗಿ, ತನುಕುಮಾರ್, ರತ್ನಮ್ಮ, ಪರಮೇಶ್, ಮಹದೇವ, ಪುಟ್ಟಲಕ್ಷ್ಮಿ, ಕವಿತ, ಲತಾ, ಯಶಸ್ವಿನಿ ಪಾಲ್ಗೊಂಡಿದ್ದರು.

13 ಸದಸ್ಯರು ಚಲಾಯಿಸಿದ ಮತಗಳ ಪೈಕಿ ಒಂದು ಮತವು ತಿರಸ್ಕೃತಗೊಂಡಿದೆ.

ಚುನಾವಣಾಧಿಕಾರಿಯಾಗಿ ಕುಶಾಲನಗರ ತಾಲೂಕು ತಹಸೀಲ್ದಾರ್ ಟಿ.ಎಂ. ಪ್ರಕಾಶ್ ಮತ್ತು ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿ ಅರುಣ್‌ ಭಾಸ್ಕರ್ ಕಾರ್ಯ ನಿರ್ವಹಿಸಿದರು.

ಈ ಸಂದರ್ಭದಲ್ಲಿ ಗ್ರಾಮದ ಪ್ರಮುಖರಾದ ರಾಜಶೇಖರ್, ಜಗದೀಶ್, ಸತೀಶ್, ಪ್ರದೀಪ್ ರೆಡ್ಡಿ, ಬಸವಣ್ಣ, ರಮೇಶ್, ಮಹೇಶ್, ಲೋಕೇಶ್ , ಹೆಚ್.ಆರ್.ರವಿ, ಕುಶಾಲನಗರ ಎಪಿಸಿಎಂಎಸ್ ನ ನಿರ್ದೇಶಕರಾದ. ಹೆಚ್.ಟಿ. ಮೋಹನ್ ಮತ್ತಿತರರು ಹಾಜರಿದ್ದರು.