ಗುಡ್ಡೆಹೊಸೂರು ಬಳಿ ಹಿಟ್ & ರನ್: ಪ್ರವಾಸಿ ವಿದ್ಯಾರ್ಥಿ ದುರ್ಮರಣ

ಕುಶಾಲನಗರ, ಅ 05: ಗುಡ್ಡೆಹೊಸೂರು ಹೆದ್ದಾರಿಯಲ್ಲಿ ಸಂಭವಿಸಿದ ಅಪಘಾತದಲ್ಲಿ ಪ್ರವಾಸಕ್ಕೆ ಬಂದಿದ್ದ ತಮಿಳುನಾಡು‌ ಮೂಲದ ಇಂಜಿನಿಯರಿಂಗ್ ಕಾಲೇಜು ವಿದ್ಯಾರ್ಥಿ‌ ಮೃತಪಟ್ಟ ಘಟನೆ ನಡೆದಿದೆ.

ನಾಮಕಲ್ ನ ಇಂಜಿನಿಯರಿಂಗ್ ಕಾಲೇಜಿನಿಂದ ಪ್ರವಾಸಕ್ಕೆ‌ ಬಂದಿದ್ದ ವಿದ್ಯಾರ್ಥಿಗಳಿದ್ದ ಬಸ್ ಗುಡ್ಡೆಹೊಸೂರು ಮೆಗ್ನಿಫಿಕ್ ಹೋಟೆಲ್ ಬಳಿ ಟೀ‌ ಕುಡಿಯಲು‌ ನಿಲ್ಲಿಸಿದ ಸಂದರ್ಭ ಒಮಿನಿ ಕಾರೊಂದು ವಿದ್ಯಾರ್ಥಿಗಳಿಗೆ ಡಿಕ್ಕಿಯಾಗಿದೆ. ಪರಿಣಾಮ ಗಂಭೀರ ಗಾಯಗೊಂಡ ಅಗಸ್ಟೀನ್ ದಾಸ್ (19) ಮೃತಪಟ್ಟಿದ್ದು ಮತ್ತೋರ್ವ ವಿದ್ಯಾರ್ಥಿ ರವಿಕುಮಾರ್ ಎಂಬಾತನಿಗೆ ಗಂಭೀರ ಗಾಯವಾಗಿದೆ.
ಒಟ್ಟು 70 ಮಂದಿ ಕೊಡಗಿಗೆ ‌ಪ್ರವಾಸಕ್ಕೆ ಬಂದಿದ್ದರು ಎನ್ನಲಾಗಿದೆ. ಡಿಕ್ಕಿಯಾದ ವಾಹನ ಪತ್ತೆಯಾಗಿಲ್ಲ.