ಹೊಟೇಲ್ ಮಹಿಳಾ ಸಿಬ್ಬಂದಿಗೆ ಲೈಂಗಿಕ ಕಿರುಕುಳ‌: ನಾಲ್ವರ ವಿರುದ್ದ ಪ್ರಕರಣ ದಾಖಲು

ಸಿದ್ದಾಪುರ, ಮೇ 27: ಊಟ ಖಾಲಿ ಯಾಗಿದೆ ಎಂದು ಹೇಳಿದ ಹೊಟೇಲ್ ಮಹಿಳಾ ಸಿಬ್ಬಂದಿಗೆ ಲೈಂಗಿಕ ಕಿರುಕುಳ‌ ನೀಡಿದ ಆರೋಪದಲ್ಲಿ ನೆಲ್ಯಹುದಿಕೇರಿಯ ನಾಲ್ವರು ಯುವಕರ ವಿರುದ್ಧ ಪ್ರಕರಣ ದಾಖಲಾದ ಘಟನೆ ಪಾಲಿಬೆಟ್ಟದಲ್ಲಿ ನಡೆದಿದೆ.
ಪಾಲಿಬೆಟ್ಟದ ಚೆನ್ನಯ್ಯನಕೋಟೆ ರಸ್ತೆಯಲ್ಲಿರುವ ಚೆಕ್‌ ನೈಫ್ ಹೊಟೇಲ್ ಗೆ ಭಾನುವಾರ ರಾತ್ರಿ ನಾಲ್ವರು ಯುವಕರು ತೆರಳಿ ಊಟ ಕೇಳಿದ್ದು ಈ ಸಂಧರ್ಭದಲ್ಲಿ ಹೋಟೆಲ್ ಸಿಬ್ಬಂದಿಯು ಊಟ ಖಾಲಿಯಾಗಿದೆ ಎಂದು ಹೇಳಿದ ಸಂಧರ್ಭದಲ್ಲಿ ನಾಲ್ವರು ಯುವಕರು ಮಹಿಳಾ ಸಿಬ್ಬಂದಿಯ ಮೇಲೆ ಲೈಂಗಿಕ ಕಿರುಕುಳ ನೀಡಿ,ಅವಾಚ್ಯ ಶಬ್ದಗಳಿಂದ ನಿಂಧಿಸಿದಲ್ಲದೆ ,ಕೊಲೆ ಬೆದರಿಕೆ ನೀಡಿರುವುದಾಗಿ ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಘಟನೆ ಕುರಿತು ಮಹಿಳಾ ಸಿಬ್ಬಂದಿ ಸಂಗೀತಾ ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ನೀಡಿದ ದೂರಿನ ಮೇರೆಗೆ ಲೈಂಗಿಕ ಕಿರುಕುಳ, ಕೊಲೆಬೆದರಿಕೆ ಸೇರಿದಂತೆ ವಿವಿಧ ಪ್ರಕರಣಗಳನ್ನು ದಾಖಲಿಸಿದ್ದು, ಆರೋಪಿಗಳಾದ ನೆಲ್ಯಹುದಿಕೇರಿ ಎಂ ಜಿ ಕಾಲೋನಿ ನಿವಾಸಿ ಅಂತೋಣಿ(35),ನೆಲ್ಯಹುದಿಕೇರಿ ಶಾಲೆ ರಸ್ತೆ ನಿವಾಸಿ ವಿಲ್ಸನ್ ಕೆ ಎಸ್(26),ಸೆಲ್ವೇಸ್(38),ಸಿದ್ದಾಪುರ ನಿವಾಸಿ ಅಜೀಜ್(44) ಎಂಬ ನಾಲ್ವರ ವಿರುಧ್ಧ ಪ್ರಕರಣ ದಾಖಲಿಸಿ ಪೊಲೀಸರು ಮುಂದಿನ ಕ್ರಮಕೈಗೊಂಡಿದ್ದಾರೆ.