ಅಕುಲ್ ಟೂರಿಸಂ ಆಶ್ರಯದಲ್ಲಿ ಜ.12 ರಿಂದ 15 ರವರೆಗೆ ಕ್ರಿಕೆಟ್ ಹಬ್ಬ: 2 ಲಕ್ಷ ಪ್ರಥಮ ಬಹುಮಾನ

ಕುಶಾಲನಗರ, ಡಿ‌ 27: ಕುಶಾಲನಗರ ಅಕುಲ್ ಟೂರಿಸಂ ವತಿಯಿಂದ ಕುಶಾಲನಗರದ ಜಾತ್ರಾ ಮೈದಾನದಲ್ಲಿ
ಜ.12 ರಿಂದ 15 ರವರೆಗೆ ಪ್ರಥಮ ವರ್ಷದ ಜಿಲ್ಲಾಮಟ್ಟದ ಕ್ರಿಕೆಟ್ ಪಂದ್ಯಾಟ ಹಮ್ಮಿಕೊಳ್ಳಲಾಗಿದೆ ಎಂದು ಅಕುಲ್ ಟೂರಿಸಂ ಆಯೋಜಕರು ತಿಳಿಸಿದ್ದಾರೆ.
ಕುಶಾಲನಗರದಲ್ಲಿ ಪತ್ರಕರ್ತರೊಂದಿಗೆ ಮಾತನಾಡಿದ ಆಯೋಜಕ ಆದಂ ಅವರು, ಪ್ರಥಮ ಬಹುಮಾನವಾಗಿ ಎರಡು ಲಕ್ಷ ನಗದು ಹಾಗೂ ಆಕರ್ಷಕ ಟ್ರೋಫಿ‌ ನೀಡಲಾಗುವುದು. ಕ್ರೀಡಾಕೂಟದ ದ್ವಿತೀಯ ಬಹುಮಾನವಾಗಿ ರೂ‌ 99,999 ನಗದು ಹಾಗೂ ಟ್ರೋಫಿ, ತೃತೀಯ ಬಹುಮಾನವಾಗಿ‌ 49,999 ರೂ‌ ನಗದು ಹಾಗೂ ಟ್ರೋಫಿ ಹಾಗೂ ನಾಲ್ಕನೇ ಬಹುಮಾನವಾಗಿ‌ 9999 ರೂ ನಗದು, ಟ್ರೋಫಿ ಸೇರಿದಂತೆ ವೈಯಕ್ತಿಕ ಬಹುಮಾನಗಳನ್ನು ನೀಡಲಾಗುತ್ತಿದೆ.
ಸರಣಿ ಪುರುಷೋತ್ತಮನಿಗೆ ಬೈಸಿಕಲ್ ಉತ್ತಮ ಬೌಲರ್, ಬ್ಯಾಟ್ಸ್ಮೆನ್ ಗೆ ಸೈಕಲ್ ಬಹುಮಾನವಾಗಿ ನೀಡಲಾಗುತ್ತದೆ ಎಂದರು.
ಪಂದ್ಯಾವಳಿಯ ನಾಲ್ಕು ದಿನವೂ ಲೈವ್ ನೀಡಲಾಗುವುದು. ಪಂದ್ಯಾವಳಿಯಲ್ಲಿ ಭಾಗವಹಿಸುವವರಿಗೆ ಊಟದ ವ್ಯವಸ್ಥೆಯನ್ನು ಮಾಡಲಾಗಿದೆ ಎಂದು ಆಯೋಜಕ ಶರಣ್ ತಿಳಿಸಿದ್ದಾರೆ.
ಆಯೋಜಕ ಮಣಿ ಮಾತನಾಡಿ, ಈಗಾಗಲೆ 15 ಫ್ರಾಂಚೈಸಿಗಳು‌ ನೊಂದಾಯಿಸಿಕೊಂಡಿದ್ದು, ದಾನಿಗಳು ಸಹಕರಿಸಬೇಕು ಮತ್ತು ಕ್ರೀಡಾಭಿಮಾನಿಗಳು ಪಂದ್ಯಾವಳಿಯನ್ನು ಯಶಸ್ವಿಗೊಳಿಸಿಕೊಡುವಂತೆ ಅವರು ಮನವಿ ಮಾಡಿದ್ದಾರೆ.
ಈ ಸಂದರ್ಭ ಆಯೋಜಕರಾದ ಅಕುಲ್,ಮಹದೇವ್, ದಿಲೀಪ್ ತಿಳಿಸಿದ್ದಾರೆ.