ಕುಶಾಲನಗರ : ಬಿಜೆಪಿ ವತಿಯಿಂದ ಮನೆ ಮನೆ ಪ್ರಚಾರ

ಕುಶಾಲನಗರ, ಏ 20: ತಾಲ್ಲೂಕು ಕೇಂದ್ರ ಕುಶಾಲನಗರ ಪುರಸಭೆ ವ್ಯಾಪ್ತಿಯ ವಿವಿಧ ಬಡಾವಣೆಯಲ್ಲಿ ಬಿಜೆಪಿ ಕಾರ್ಯಕರ್ತರು

ಮನೆ ಮನೆಗೆ ತೆರಳಿ ಪಕ್ಷದ ಅಭ್ಯರ್ಥಿಯಾಗಿ ಶಾಸಕ ಎಂ.ಪಿ.ಅಪ್ಪಚ್ಚುರಂಜನ್ ಪರವಾಗಿ ಮತಯಾಚನೆ ಮಾಡಿದರು. ಕುಶಾಲನಗರ ಬಿಜೆಪಿ ಘಟಕದ ಅಧ್ಯಕ್ಷ ಉಮಾಶಂಕರ್ ನೇತೃತ್ವದಲ್ಲಿ ಪಟ್ಟಣದ ಅವದಾನಿ,ಶಂಕರಾಚಾರ್ಯ ಹಾಗೂ ಬಸಪ್ಪ ಬಡಾವಣೆಗಳಲ್ಲಿ ಶಾಸಕ ರಂಜನ್ ಮಾಡಿರುವ‌ ಸಾಧನೆಯ ಕರಪತ್ರಗಳನ್ನು ಪ್ರತಿ ಮನೆಯ ಮತದಾರರಿಗೆ ನೀಡುವ ಮೂಲಕ ಮನವಿ ಮಾಡಿದರು.

ಈ ಸಂದರ್ಭ ಪುರಸಭೆ ಸದಸ್ಯ ಅಮೃತ್ ರಾಜ್,ನಾಮನಿರ್ದೇಶಿತ ಸದಸ್ಯ ಎಂ.ವಿ.ನಾರಾಯಣ, ಮಡಿಕೇರಿ ಕ್ಷೇತ್ರದ ಮಾಜಿ ಅಧ್ಯಕ್ಷ ಎಂ.ಎನ್.ಕುಮಾರಪ್ಪ,ಮುಖಂಡರಾದ ಎಂ.ಎಸ್.ಚಿಣ್ಣಪ್ಪ,ವಿ.ಆರ್.ಶಿವಶಂಕರ್ ಇತರರು ಇದ್ದರು.